საქართველო და მსოფლიო ყოველკვირეული გაზეთი ონლაინ ვერსია
გაზიარება

ვაშაძის უწყება საგულდაგულოდ მალავს სკანდალს - რატომ გამოაძევეს რუსეთიდან საქართველოს კონსული

28 05 2009 20:00:00 ნანახია:2235
ვაშაძის უწყება საგულდაგულოდ მალავს სკანდალს - რატომ გამოაძევეს რუსეთიდან საქართველოს კონსული

«საქართველო და მსოფლიოს» ინფორმაციით, რუსეთის ფედერაციიდან საქართველოს კონსული და საელჩოს კიდევ ერთი თანამშრომელი გამოაძევეს. ეს მას შემდეგ მოხდა, რაც ქართულმა მხარემ ორი რუსი დიპლომატი დაითხოვა საქართველოდან. საბაბი იმდენად აბსურდული იყო, რომ საქართველოს საგარეო საქმეთა სამინისტრომ თხოვნით მიმართა რუს კოლეგებს, არ გაეხმაურებინათ როგორც საქართველოდან რუსი დიპლომატების გაძევების, ასევე, პროპორციული პასუხის სახით, რუსეთიდან კონსულისა და საელჩოს კიდევ ერთი თანამშრომლის გამოძევების ფაქტი. როგორც ჩვენთვის გახდა ცნობილი, ეს დიპლომატიური ინციდენტი ცოტა ხნის წინათ მოხდა, მაგრამ მისი გახმაურებისაგან მხარეები ჯერჯერობით თავს იკავებენ. საგარეო საქმეთა სამინისტრო მომხდარს არ უარყოფს, თუმცა არც დეტალებზე საუბრობს. საქართველოს ნომერ პირველ დიპლომატად შერაცხილ გრიგოლ ვაშაძის უწყებაში დიპლომატიური ურთიერთობები რომ თავდაყირა დგას, არავისთვის უცხო არ არის, მაგრამ თუ ჩვენი დიპკორპუსი საერთაშორისო ურთიერთობების მოგვარებას ასეთი გზებით აპირებს, არ უნდა გამოვრიცხოთ, რომ კიდევ ერთხელ გავეხვეთ საშიშ ავანტიურაში. მეტი სიცხადისთვის გთავაზობთ ინფორმაციას, რომელიც საქართველოს საგარეო საქმეთა სამინისტროს ვებგვერდზეა განთავსებული:

«საქართველოსა და რუსეთის ფედერაციას შორის დიპლომატიური ურთიერთობები დამყარდა 1992 წლის 1 ივლისს. რუსეთის ფედერაციაში საქართველოს სრულუფლებიანი და საგანგებო ელჩები იყვნენ: ვალერიან ადვაძე (1993 წლის აპრილი - 1995 წლის იანვარი); ვაჟა ლორთქიფანიძე (1995 წელი - 1998 წლის იანვარი); მალხაზ კაკაბაძე (1998 წლის სექტემბერი - 2000 წლის მაისი); ზურაბ აბაშიძე (2000 წლის ივლისი - 2004 წლის თებერვალი); კონსტანტინე კემულარია (2004 წლის აგვისტო - 2005 წლის თებერვალი); ვალერი ჩეჩელაშვილი (2004 წლის აგვისტო - 2005 წლის თებერვალი); ირაკლი ჩუბინიშვილი (2005 წლის ივლისი - დღემდე).»

ალბათ, საზოგადოებას ამის შემდეგ არ უნდა გაუკვირდეს, რატომ მუშაობს ასე «ეფექტიანად» ქართული დიპლომატია. საგარეო საქმეთა სამინისტროს დღემდე ვერ გაურკვევია, რომ რუსეთის ფედერაციაში საქართველოს ელჩი ირაკლი ჩუბინიშვილის შემდეგ ერასტი კიწმარიშვილი იყო, ამჟამად კი ამ სახელმწიფოში ელჩი საერთოდ აღარ გვყავს და დიპლომატიური ურთიერთობაც გაწყვეტილი გვაქვს! აგვისტოს ომის შემდეგ ლეიბორისტების ლიდერმა განაცხადა: - «ჰიტლერს «რუსთავი 2» რომ ჰყოლოდა, გერმანელები დღემდე ვერ გაიგებდნენ, სამამულო ომი რომ წააგესო...»

«საბედნიეროდ», სააკაშვილის ხელისუფლებას ჰყავს «რუსთავი 2» და, ალბათ, ამიტომაც დღემდე ვერ მიხვდნენ, რომ აგვისტოში ომი წავაგეთ და მთავარსარდალმა კაპიტულაციას მოაწერა ხელი... ამიტომაც არ იციან, რომ დღეს რუსეთის ფედერაციაში საქართველოს სრულუფლებიანი და საგანგებო ელჩი ირაკლი ჩუბინიშვილი კი არ არის, მეზობელ ქვეყანასთან საერთოდ გაწყვეტილი გვაქვს დიპლომატიური ურთიერთობები! თუმცა საზოგადოების დიდი ნაწილი კარგად ხედავს, რომ საქართველოს დაბრმავებული და დაყრუებული ხელისუფლება ჰყავს! სხვაგვარად როგორ შეიძლება აიხსნას ის, რაც საგარეო საქმეთა სამინისტროში ხდება? სამინისტროში, რომელიც ერთ-ერთი ყველაზე პრიორიტეტული უწყებაა ყველა ნორმალურ ქვეყანაში?! როგორ მოაგვარებს საერთაშორისო ურთიერთობებს საგარეო საქმეთა სამინისტრო, როცა საკუთარი უწყების ვებგვერდისთვის ვერ მოუვლია და დღესაც ჰგონია, რომ, თურმე, რუსეთში საქართველოს ელჩი ირაკლი ჩუბინიშვილია?!

ამის შემდეგ არც ის გაგიკვირდებათ, რამდენად კომპეტენტური პასუხი გაგვცეს საგარეო საქმეთა სამინისტროში, როცა იმის გადამოწმება ვცადეთ, თუ რა გახდა რუსეთიდან საქართველოს კონსულის გამოძევების მიზეზი.

«საქართველო და მსოფლიო» საგარეო საქმეთა სამინისტროს პრესსამსახურს დაუკავშირდა, რომელმაც გვირჩია, რომ ჩვენს შეკითხვაზე - ვინ არის რუსეთში საქართველოს კონსული - პასუხს რუსეთთან ურთიერთობის დეპარტამენტში გაგვცემდნენ. რა თქმა უნდა, მათი რჩევა გავითვალისწინეთ და ზემოთ ხსენებულ დეპარტამენტში დავრეკეთ, თუმცა, რაოდენ უცნაურადაც უნდა მოგეჩვენოთ, დეპარტამენტის ერთ-ერთმა თანამშრომელმა გიორგი ყარალაშვილმა ვერ გაგვცა ჩვენთვის საინტერესო შეკითხვაზე პასუხი. დეპარტამენტში კატეგორიულად განაცხადეს, რომ არ ჰქონდათ ამ საკითხზე საუბრის უფლება და ინფორმაციის მიღება პრესსამსახურში გვირჩიეს. კვლავ პრესსამსახურის ერთ-ერთ თანამშრომელს ნათია კაკულიას დავუკავშირდით, რომელმაც თავაზიანად განგვიმარტა, რომ, თურმე, ინფორმაცია რუსეთთან ურთიერთობის დეპარტამენტში უნდა მიგვეღო და დაგვაკვალიანა, რომ რუსეთის საელჩოს სექცია შვეიცარიის საელჩოშია.

- გასაგებია, და ეს ჩვენც ვიცით, რომ დიპლომატიური ურთიერთობების შეწყვეტის შემდეგ როგორც საქართველოში, ისე რუსეთში საკონსულოები შვეიცარიის საელჩოშია გახსნილი...

- ხო...

- იქნებ, გვითხრათ რუსეთის ფედერაციაში საქართველოს კონსულის სახელი და გვარი...

- გასაგებია, რომ გაინტერესებთ, მაგრამ საიტზე არ წერია და მე საიდან მოვიტანო? ვერ გავიგე... მე ხომ არ ვმუშაობ საკონსულოს საკითხებზე?! არ ვიცი, მაშინ საკონსულო დეპარტამენტის ნომერს მოგცემთ.

- ინფორმაცია საკონსულო დეპარტამენტიდან უნდა მივიღოთ თუ რუსეთთან ურთიერთობის დეპარტამენტმა უნდა გვითხრას, ვინ არის ამჟამად რუსეთში საქართველოს კონსული? გაუგებარია, რატომ წარმოადგენს საიდუმლოს რუსეთის ფედერაციაში საქართველოს კონსულის ვინაობის დასახელება?

- არა, ნამდვილად არ არის საიდუმლო, ვინ არის რუსეთის ფედერაციაში საქართველოს კონსული... ამჟამად არ გვყავს ხომ კონსული? (საგარეო საქმეთა სამინისტროს პრესსამსახურის თანამშრომელი ჩვენთან ცდილობს გარკვევას, გვყავს თუ არა რუსეთის ფედერაციაში კონსული...)

- ვერ გეტყვით, ქალბატონო ნათია, სწორედ ამ საკითხის გარკვევას ვცდილობ თქვენთან...

- ახლა შემოვიდა ჩვენთან რუსეთის დეპარტამენტის თანამშრომელი... უბრალოდ, პრესასთან ურთიერთობა გვეხება მხოლოდ და მხოლოდ ჩვენ... ამჟამად რუსეთში კონსული არ გვყავს...

- რუსეთთან დიპლომატიური ურთიერთობის შემდეგ არ გვყავს რუსეთის ფედერაციაში კონსული?

- (ხანგრძლივი პაუზის შემდეგ) ადრე გვყავდა, ანუ, დიპლომატიური ურთიერთობის შეწყვეტის შემდეგაც გვყავდა კონსული და ახლო მომავალშიც დაინიშნება...

- ვინ იყო უკანასკნელი კონსული, სახელი და გვარი მითხარით...

- ვინ იყო, ხომ არ იცი, სახელი და გვარი აინტერესებს... (ეკითხება მასთან შესულ რუსეთთან ურთიერთობის დეპარტამენტის თანამშრომელს. საუბრიდან ჩანს, რომ იმ მომენტში არკვევდნენ, ვინ იყო საქართველოს კონსული რუსეთში, რადგან არცთუ სწრაფად გვიპასუხა, რომ, თურმე, რუსეთში საქართველოს კონსული ზურაბ პატარაძე ყოფილა).

- პატარაძე თუ პატარიძე?

- პატარაძე მითხრეს მე და არ ვიცი...

- ეს პიროვნება ამჟამად საქართველოში იმყოფება? იქნებ, მისი საკონტაქტო ტელეფონი მაინც მითხრათ?

- არ იციან ამდენი, იყო კონსული, მაგრამ აღარ არის და საგარეო საქმეთა სამინისტრომ ახლა... მაშინ კადრებში უნდა დარეკოთ...

- კარგი. ერთ შეკითხვასაც დაგისვამთ და დავასრულებ თქვენთან საუბარს. ჩვენი ინფორმაციით, რუსეთმა გამოაძევა საქართველოს კონსული და საელჩოს კიდევ ერთი თანამშრომელი, იმის პროპორციულ პასუხად, რაც ჩვენ რუსეთის ორი ატაშე გავაძევეთ ქვეყნიდან...

- ვერ გაგცემთ პასუხს...

- ამის შესახებ ინფორმაცია არ გაქვთ თუ პასუხის გაცემა არ გსურთ?

- მე ამის შესახებ ინფორმაცია არ მაქვს, მაგრამ რუსეთთან ურთიერთობის დეპარტამენტში ამბობენ, რომ არ არის საჭირო ამის სააშკარაოზე გამოტანა. მე არ მაქვს ინფორმაცია...

 P.S. გასაგებია საგარეო საქმეთა სამინისტროს პოზიცია - «ამის სააშკარაოზე გამოტანა არ არის საჭიროო». მართალია, უნდა დავმალოთ და საგულდაგულოდ გავასაიდუმლოოთ ჩვენი არაპროფესიონალიზმი! ემანდ ვინმემ არ გაიგოს და არ დაგვცინოს! მაგრამ ვაი რომ იციან და დაგვცინიან... სამწუხაროდ! საქართველოს პრეზიდენტს არც ერთი ქვეყნის პირველი პირი აღარ ხვდება და ქართულმა დიპლომატიამ ნდობა რომ დაკარგა, ეს მხოლოდ გაუთავებელი ტყუილების კი არა, არაპროფესიონალიზმის დამსახურებაცაა... სხვაგვარად როგორ შეიძლება ავხსნათ, რომ ობამამ პროტოკოლი დაარღვია და 7 მაისს რუსეთის საგარეო მინისტრს შეხვდა?!. როგორც ცნობილია, მათ საქართველოზეც ისაუბრეს. არადა, კულუარული ინფორმაციით, ვაშაძე ლამის მუხლმოდრეკილი ევედრებოდა ჰილარი კლინტონს, რომ ობამასთან სააკაშვილის შეხვედრა «ჩაეწყო», ან, თუნდაც, ჰილარი კლინტონის დონეზე მაინც მიეწვიათ სააკაშვილი ვაშინგტონში, მაგრამ - ამაოდ... ასე თუ გაგრძელდა, ეს ბატონები აუცილებლად გადაიჩეხებიან მოუსავლეთში, მაგრამ ქვეყანაც რომ გადაიყოლონ?!.

 

მანანა ჩხეიძე
გაზიარება
მსგავსი მასალები

ავტორი: დიმიტრი

2013-01-28 17:06:08

ვერსია მართლაც ბევრია ,მაგრამ ჯობია გამოძიებას დაველოდოთ.

ავტორი: მაია

2013-01-29 19:43:12

მამა ელიზბარი არაა უშუალო მოცმე,აქედან გამომდინარე,არ შეუძლია სხვისი ნათქვამის აბსოლუტურ სიმარტლედ განცხადება. ხომ შეიზლება დავუშვატ,რომ ეს შეგდებული ვერსიაა და მამაო შეცდომაში შეიკვანეს.

ავტორი: ზარმაცა

2013-01-29 21:16:04

რა თქმა უნდა გეთანხმები მაია, თუ სხვამ დაინახა იმ სხვამ უნდა მისცეს ჩვენება სხვის სიტყვას თავდებად რატო უდგება მამაო, ეს ერთი და მეორე სხვის ნალაპარაკევზე რონმელსაც არანაირი მტკიცებულება არ გააჩნია მამაო რო მკვლელობაზე ვინმეს ხელს დაადებს, კაი რაააააააააა სადაური მამაოა ვინ მისცა წირვის ჩატარების უფლება საერთოდ..

დატოვე კომენტარი

ქართული კლავიატურა

თქვენი სახელი

უსაფრთხოების კოდი

ანონსი

"საქართველო და მსოფლიო" "ობიექტივის" ეთერში

გაზეთი "საქართველო და მსოფლიო"

შემომსვლელები
დღეს 70389
გუშინ 237115
სულ 1058797
ამჟამად საიტზეა: 185 მომხმარებელი
21 დეკემბერი 2014

ახალი კომენტარები

ოჰ, ქეთის შემდეგ ახალი ყლორტი აღმოცენდა, ნინო. :)
ეხლა რა მინდა გითხრა ჩემო კარგო, შენც რომ ფარმადეპოელი ხარ ეს უკვე ფაქტია. მაგრამ აზროვნების და რეალობის დანახვის უნარი რომ არ გაგაჩნია ესეც ნათელია. ეს სტატია სულ სხვა თემას ეხება მაგრამ შენს გადახვეულ თემასაც გავცემ პასუხს. სტატიაში მოხსენიებულია 2009 წლის კანონი, რაც ფარმადეპოზე მოერგო. რამაც მთელი ფარმაცია ააყირავს.რა შემოაქვს აზერბაიჯანიდან კაცმა არ იცის. აი თქვენი ევროპული ხარისხი!!! ბაზარზე არსებული ყველა მედიკამენტი შემოიტანა აზერბაიჯანიდან, ხარისხი კაცმა არ იცის. წარმომავლობა არ გააჩნია, ანუ შტიხკოდი. ამან გამიწვია სწორედ ფასების დავარდნა. ეს ერთი! ეხლა მეორე, რა იფიქრეთ ფარმადეპოში? ვაჯა ოთარაშვილი ენას მოიფხანს და გაჩუმდება მეტი რა უნდა დაგვაკლოსო? ხომ შეგისრულათ!!! ეხლა იხადეთ ჯარიმები. თუ თქვენს წარმოსახვაში ფარმადეპო ასეთი კარგი კომპანიაა რატომ დაჯარიმდა? თან მერამდენედ. :)

Facebook

msofliotv.ge
Copyright © 2012 - 2014 Geworld.ge All Rights Reserved.

www.wsa.ge