ქართველი „კავეენშიკები“ უმაღლესი ლიგის მომდევნო ეტაპზე ტრიუმფით გავიდნენ
ზომა
A

ორშაბათი, 20 მარტი / 2017 12:14

17 მარტს მოსკოვში „კავეენის“ საერთაშორისო უმაღლესი ლიგის თამაშები ჩატარდა, სადაც საქართველოს ნაკრებიც იღებდა მონაწილეობას. უმაღლეს ლიგაში მონაწილება 22-მა გუნდმა დაიწყო და აქედან 7 გუნდი ასპარეზობას გამოეთიშა. სასიხარულოა, რომ საქართველოს ნაკრები ბრძოლას აგრძელებს. ქართველების გამოსვლამ „მისალმების“ კონკურსში ჟიურის ყველა წევრისგან უმაღლესი ქულები დაიმსახურა, ხოლო მუსიკალურ ნომერში მხოლოდ ერთმა ჟიურის წევრმა აუწია ქართველებს უმაღლეს შეფასებაზე ერთი ქულით ნაკლები.


საბოლოოდ „კავეენის“ საქართველოს ნაკრები ტრიუმფით გავიდა შემდგომ ეტაპზე და იმ 15 გუნდს შორის მოხვდა, რომლებიც შემდგომ ტურებში ჩემპიონობისთვის იბრძოლებენ.

აღსანიშნავია, რომ ქართველმა „კავეენშიკება“ მაყურებელს სიურპრიზიც შესთავაზეს და სცენაზე რუსეთში მოღვაწე ცნობილი ქართველი არტისტი, ბალეტის აკადემიის რექტორი ნიკოლოზ ცისკარძე გამოიყვანეს, რომელთან ერთადაც რამდენიმე წუთიანი იუმორისტული ნომერი წარმოადგინეს. საქართველოს „კავეენის“ ნაკრები დიდ მადლობას უხდის ნიკოლოზ ცისკარიძეს თანადგომისა და დახმარებისთვის.

შეგახსენებთ, რომ ქართველებმა „კავეენის“ საერთაშორისო უმაღლეს ლიგაში გამოსვლის უფლება იანვარში, ქალაქ სოჭში გამართულ ფესტივალზე მოიპოვეს, სადაც ძალიან დადებითი შთაბეჭდილება მოახდინეს მაყურებელზეც და პირადად ალექსანდრე მასლიაკოვზეც.

ახალი სტატიები
მსოფლიოს არხები და გაზეთის PDF ვერსია
ბოლო ნომერი (#386)
"ისტორიული მემკვიდრეობა"

ყურადღება: არანორმატიული და უხამსი ლექსიკის შემცველი კომენტარები არ გამოქვეყნდება. კომენტარები გამოქვეყნდება სამუშაო დღეებში 11-დან 18 საათამდე. 18 საათის შემდეგ მიღებული კომენტარები გამოქვეყნდება მეორე დღეს.
წერს: vaxo
mixaria!!!!!!
კომენტარები Facebook კომენტარები
გაგზავნა
კომენტარი წარმატებით დაემატა!
Rss დასაწყისი
"ისტორიული მემკვიდრეობა" (ყველას ნახვა/არქივი)
გაზეთ "საქართველო და მსოფლიოს" ონლაინ ვერსია
  EISSN 2233-3908

© საქართველო & მსოფლიო 2017. ყველა უფლება დაცულა